Hum sabne kabhi na khabhi apni zindagi me jhuth bola hi hoga.apni galatiyaan chupane ke liye hum aksar jhuth bol diya karte hain. Par kabhi kabhi jhuth bolne ka nateeja bahut bura bhi ho sakta hai . jhuth yadi kisi ki bhalaayi ke liye bola jaaye to achcha hai par yadi wo kisi ko nuksaan pahuchaye to bura .
Is baat ka ehsaas mujhe tab hua jb maine apne bhai ki galti ko chupane ke liye apne ghar walon se jhut bola. Ek baar mere bhai ne ghar me chori ki. Usne teen hazar rupay papa ki tizori se churaye the . is baat ki mujhe khabar lagte hi maine us bina karan puche use bachane ki koshish me lag gayi. Maine apne office ki salary se paise nikale aur papa ki tizori me fir rakh diye . us din to mujhe apne bhai ko bacha kar bahut khushi hui .
Par kash main us din apne bhai ki chori pakde jane par use naa bachati To aaj wo bure raste par nahi jaata. Main apni is baat par bahut pachtati hu jb main apne bhai ko nashe ki latt ka shikaar hua dekhti hu.
Kripya aap bhi aise kisi jhuth se bachiye.
